प्रहरी कन्ट्रोल : १००, टोल फ्री नं.: १६६०५७५२१००
नेपा
EN
प्रहरी महानिरीक्षक धिरज प्रताप सिंहद्धारा बागमती प्रदेश प्रहरी विद्यालय शान्तिपुर, चितवनमा नवनिर्मित भौतिक संरचनाको समुद्घाटन सम्पन्न
२०७९-०६-०९

नेपाल प्रहरी संगठन प्रमुख प्रहरी महानिरीक्षक धिरज प्रताप सिंहको प्रमुख आतिथ्यतामा बागमती प्रदेश प्रहरी विद्यालय शान्तिपुर, चितवनमा नवनिर्मित भौतिक संरचनाहरुको एक कार्यक्रमवीच समुद्घाटन सम्पन्न भएको छ । नेपाल सरकारको नियमित बजेट मार्फत रु. ३,६८,३१,८५९।८८ को लागतमा निर्मित महिला छात्रा तथा भान्साघर र रु. २१,५७,२६८।७१ को लागतमा निर्मित सोधपुछ कक्षको आज एक समारोहविच समुद्घाटन गरिएको हो । उद्घाटन पश्चात उहाँले नवनिर्मित भौतिक संरचनाको निरीक्षण समेत गर्नु भएको थियो । समुद्घाटन कार्यक्रममा बोल्दै प्रहरी महानिरीक्षक धिरज प्रताप सिंहले हाल कक्षा ८ सम्म मात्र अध्यापन भईरहेको यस बागमती प्रदेश प्रहरी विद्यालयलाई समयानुकुल स्तर वृद्धि गर्ने सन्दर्भमा आवश्यक सहयोग गर्ने प्रतिबद्धता समेत व्यक्त गर्नुभयो । आजको प्रतिस्पर्धात्मक विश्व जगतमा गुणस्तरिय र प्रविधिजन्य शिक्षा अत्यन्त आवश्यक रहेको हुँदा वैज्ञानिक र व्यवहारिक शिक्षा प्रणालीलाई जोड दिनुपर्ने कुरामा उहाँले जोड दिनुभयो । विद्यार्थीहरुमा असल व्यक्तित्व र सकारात्मक मानसिकताको विकास गरी राष्ट्र निर्माणमा उनिहरुको भूमिका र समाज प्रतिको दायित्वबोध गराई शिक्षित, सभ्य र क्षमतावान नागरिकमा रुपान्तरण गर्नेतर्फ विद्यालय सदैव गंभिर हुनुपर्ने उहाँले बताउनुभयो । आज निर्माण सम्पन्न भई समुद्घाटन भएका भौतिक संरचनाले यस प्रहरी विद्यालयको शिक्षण प्रणाली लगायत अध्ययन र अध्यापन कार्यलाई थप सहज र प्रभावकारी बनाई शिक्षाको गुणस्तर अभिवृद्धिमा महत्वपुर्ण भूमिका खेल्ने कुरा समेत उहाँले व्यक्त गर्नु भयो । कार्यक्रमको अवसरमा प्रहरी महानिरीक्षक धिरज प्रताप सिंहले विद्यालयको समग्र विकासमा योगदान पुर्‍याउने विद्यालयका पूर्व समादेशक प्रहरी निरीक्षक धर्म बहादुर अधिकारी, अक्षयकोष स्थापना गर्ने पूर्व प्रहरी नायव उपरीक्षक कमल भण्डारी, शिक्षक अनिता देवकोटा लगायत प्रहरी कर्मचारीहरुमा प्रहरी सहायक निरीक्षक दिनेश थापा, प्रहरी हवल्दार अमिन बस्‍नेत, प्रहरी सहायक हवल्दार प्रकाश घिमिरे समेतलाई प्रशंसापत्रद्धारा सम्मान गर्नु भएको थियो । कार्यक्रममा विद्यालय व्यवस्थापन समितिमा अध्यक्ष एवं नेपाल प्रहरी प्रदेश कार्यालय काभ्रेपलाञ्‍चोकका प्रमुख प्रहरी वरिष्ठ उपरीक्षक लालमणी आचार्यले प्रमुख अतिथिलाई विद्यालय व्यवस्थापन समितिको तर्फबाट मायाको चिनो प्रदान गर्नु भएको थियो । सोही अवसरमा विद्यालयका प्राचार्य प्रधुन्न पौडेलले स्वागत मन्तव्य व्यक्त गर्नुभएको थियो भने विद्यालयका संरक्षक एवं बागमती प्रदेश प्रहरी प्रमुख प्रहरी नायव महानिरीक्षक किरण बज्राचार्यले धन्यवाद ज्ञापन गर्नुभएको थियो । साथै कार्यक्रममा भरतपुर महानगरपालिका वडा नं. १४ का वडा अध्यक्षले शुभकामना मन्तव्य व्यक्त गर्नुका साथै बागमती प्रदेश प्रहरी कार्यालय हेटौंडाका भौतिक पूर्वाधार शाखाका प्रहरी उपरीक्षक ई. ईश्‍वर थापाले भवन निर्माण सम्बन्धी प्रतिवेदन प्रस्तुत गर्नुभएको थियो । कार्यक्रममा विद्यालयका विद्यार्थीहरुद्वारा विविध साँस्कृतिक कार्यक्रम प्रस्तुत गरिएको उक्त समारोहमा सिनियर प्रहरी अधिकृतहरु, जनप्रतिनिधिहरु, विद्यालय व्यवस्थापन समितिका सदस्यहरु, शिक्षक, विद्यार्थी, अभिभावकहरु, सञ्चारकर्मी, विभिन्न संघसंस्थाका प्रतिनिधिहरु लगायतको उपस्थिति रहेको थियो ।

लागुऔषध सहित मानिस नियन्त्रणमा
२०७९-०६-०८

सिन्धुली, कमलामाई नगरपालिका-९ भिमान चेकपोष्ट नजिकै प्रहरीले लागुऔषध सहित मानिस नियन्त्रणमा लिएको छ । बि.पि.राजमार्गमा भिमान चेकपोष्ट नजिकै गोप्य सुचनाको आधारमा जिल्ला प्रहरी कार्यालय सिन्धुलीबाट खटिएको प्रहरी सहायक निरीक्षकको कमाण्डमा सिभिल टोली र ईलाका प्रहरी कार्यालयबाट प्रहरी हवल्दारको कमाण्डमा खटिएको टोलिले सोहि नगरपालिका-७ बस्ने अन्दाजी २५ वर्षीय बिमल बस्नेतले निलो रङको साईडमा भिर्ने ह्याण्ड ब्याग भित्र NITRAVET लेखिएको २० वटा पातामा ( एउटा पातामा ३० पिसको दरले जम्मा ६०० पिस मध्धे  २ पिस निकालेको) जम्मा ५९८ ट्याबलेट (चक्की) र निजले नै लगाएको Adidos कम्पनिको सेतो रङको जुत्ताभित्र पहेलो रङको प्लाष्टिक भित्र लागुऔषध खैरो हिरोईन जस्तो देखिने गिलो पदार्थ अन्दाजी १ ग्राम सहित बाटोमा हिडिरहेको अवस्थामा नियन्त्रणमा लिई थप अनुसन्धान कार्य भैरहेको छ । 

लागुऔषध गाँजा नियन्त्रणमा
२०७९-०६-०६

मकवानपुर, हेटौडा उप-महानगरपालिका-११ पुन्यक्षेत्र गेट नजिक भित्रि सडक खण्डमा बिशेष सुचनाको आधारमा जिल्ला प्रहरी कार्यालय मकवानपुरबाट प्रहरी सहायक निरीक्षकको कमाण्डमा खटिएको टोलीले लागुऔषध गाँजा सहित ना ८ ख २५४२ नम्बरको गाडीलाई नियन्त्रणमा लिएको छ । प्रहरीले उक्त गाडी नियन्त्रणमा लिन खोज्दा, प्रहरीको टोलीलाई देखि गाडि छोडी चालक फरार रहेको, उक्त गाडिको ढालामा लुकाई छिपाई ल्याउदै गरेको लागुऔषध गाँजा ८ पोका अन्दाजी ८० के.जि. फेला परेको, गाडीको अन्य भाग हेर्न बाकी रहेको, नियन्त्रणमा लिएको उक्त गाडी र लागुऔषध गाँजा जि.प्र.का.मा ल्याई राखिएको, फरार चालकको खोज तलाश कार्य जारी रहेको छ । 

लागुऔषध सहित मानिस नियन्त्रणमा
२०७९-०६-०३

धादिङ, गल्छी गाउँपालिका-४ मासटार स्थित प्रहरीले लागुऔषध सहित मानिसलाई नियन्त्रणमा लिएको छ । नियन्त्रणमा आउने गजुरी गाउँपालिका-८ किरानचोक बस्ने ४८ वर्षीय गणेश लामा रहेका छन् । प्रहरी चौकी बैरेनिबाट प्रहरी बरिष्ठ नायव निरीक्षकको कमाण्डमा खटिएको गस्ति टोलिले गल्छी-४ मासटार स्थित रहेको प्रतिक्षालयमा निज गणेश लामालाई शंका लागी चेकजाँच गर्दा निजले ल्याएको ४ वटा जेब्रा झोला र ३ वटा कपडाको झोला भित्र अन्दाजी ३५ के.जि. लागुऔषध गाँजा फेला पारेको थियो । प्रहरीले लागुऔषध गाँजा सहित निजलाई नियन्त्रणमा लिई थप अनुसन्धान कार्य गरिरहेको छ । 

लागुऔषध सहित मानिस नियन्त्रणमा
२०७९-०५-२७

मकवानपुर, हेटौडा उप-महानगरपालिका-९ लामसुरे भित्री सडकखण्डमा प्रहरी निरीक्षकको कमाण्डमा खटिएको चेकिङ टोलिले लामसुरे बाट पशुपतीनगर तर्फ आउँदै गरेको प्रदेश ३ ०२ ०१४ प ४२२१ नं.को मोटरसाईकललाई रोकि चेकजाँच गर्ने क्रममा मोटरसाईकल चालक हेटौंडा-४ कर्रा बस्ने २९ वर्षीय बिनय तामाङले बोकेको झोलामा लागुऔषध कोडिवयल कफसिरफ २ बोतल (प्रती बोतल १००ml), Nitzacare ट्याबलेट ८ पिस फेला परेको  थियो । उक्त मोटरसाईकल पछाडी सवार हेटौडा-१० बसपार्क बस्ने २७ वर्षीय प्रकाश बानिया सहित दुबै जनालाई प्रहरीले नियन्त्रणमा लिई आवश्यक अनुसन्धान कार्य गरिरहेको छ ।