प्रहरी कन्ट्रोल : १००, टोल फ्री नं.: १६६०५७५२१००
नेपा
EN
लागुऔषध सहित मानिस नियन्त्रणमा
२०७८-०९-२८

मकवनापुर, मनहरी गाउँपालिका-८ सिमपानी स्थित पुर्व पश्चिम सडक खण्डमा खटियको प्रहरि टोलीले चिवतनबाट हेटौंडा तर्फ  जाँदै गरेको लु३च ९७४ नं. को योद्धा पिकअप गाडीलाई शंका लागी चेकजाच गर्दा सोही गाडीमा लुकाई छिपाई ल्याएको लागुऔषध चरेस २० किलो ५०० ग्राम, १० किलो गाजाको धुलो फेला परेकोले गाडी चालक जिल्ला मकवानपुर राक्सिराङ गाउँपालिका-६ बस्ने बर्ष ३३ को सन्त बहादुर थिङ, सवार ऐ.ऐ. बस्ने बर्ष अन्दाजी २७ को ललित बहादुर थिङ र जिल्ला चितवन राप्ती नगरपालिका-११ भण्डारा बस्ने बर्ष २८ को राम बहादुर तामाङलाई गाडी सहित नियन्त्रणमा लिई आवश्यक अनुसन्धान भईरहेको ।

लागुऔषध गाँजा सहित मानिस नियन्त्रणमा
२०७८-०९-२१

धादिङ, गजुरी गाउँपालिका-६ आदमघाटबजार स्थित प्रहरीले लागुऔषध गाँजा सहित मानिस नियन्त्रणमा लिएको छ । नियन्त्रणमा आउँने गजुरी गाउँपालिका-४ भिरकोट बस्ने १९ वर्षीय प्रकाश प्रजा र सोहि बस्ने १९ वर्षीय बिक्रम प्रजा रहेका छन् । निजहरुलाई अस्थायी प्रहरी पोष्ट आदमघाट धादिङबाट प्र.स.नि.को कमाण्डमा खटिएको टोली र शसस्त्र प्रहरी बल राजमार्ग सुरक्षा पोष्ट आदमघाटबाट स.प्र.ना.नि.को कमाण्डमा खटिएको संयुक्त टोलीले नियन्त्रणमा लिएको हो । प्रहरीले निजहरु माथि शंका लागि चेकजाँच गर्ने क्रममा निजहरुले बोकेको जेब्रा झोला र पछाडी भिर्ने झोलाभित्र अन्दाजी १०KG गाँजा फेला पारेको थियो । लागुऔषध गाँजा सहित निजहरुलाई प्रहरीले नियन्त्रणमा लिई थप अनुसन्धान कार्य गरिरहेको छ । 

लागुऔषध फेला
२०७८-०९-२०

मकवानपुर, मनहरी गाउँपालिका-९ ज्यामिरे स्थित पुर्व-पश्चिम सडक खण्डमा प्रहरीको गस्ति टोलिले भिर्ने झोलामा लागुऔषध फेला परेको छ ।ईलाका प्रहरी कार्यालय मनहरीबाट प्र.ना.नि.को कमाण्डमा खटिएको गस्ति टोलिले गस्ति गर्दै जाने क्रममा पुर्व-पश्चिम सडक खण्ड मनहरी गाउँपालिका-९ ज्यामिरे स्थित गस्ति टोलीलाई देखी सडक छेउमा उभिरहेको एक जना पुरुष ब्यक्तिले आफुले बोकी राखेको भिर्ने झोला फाली भागि फरार भएको उक्त झोलामा चेकजाँच गर्दा लागुऔषध डाईजेपाम-३० पम्पुल, नुरफिन-४२ एम्पुल, फेनारगन-३२ एम्पुल र लुफिजिसिस-३ पम्पुल सहित जम्मा १०७ एम्पुल लागुऔषध फेला परेको छ । यस घट्नाको सम्बन्धमा प्रहरीले फरार व्यक्तिको खोजतलाश कार्य जारी राखेको तथा घट्ना बारे थप अनुसन्धान गरिरहेको छ । 

सवारी दुर्घटनामा परी मृत्यु
२०७८-०९-१९

सिन्धुली, दुधौली नगरपालिका-७ डम्वरखाडी स्थित मदनभण्डारी राजमार्गमा सवारी दुर्घटना भई एक जनाको मृत्यु भएको छ । मृत्यु हुने दुधौली नगरपालिका-७ कत्ले खोला बस्ने ५५ वर्षीय बिर बहादुर मगर रहेका छन् । निज सोहि नगरपालिका-११ बस्ने लाल बहादुर मगरले चलाएको प्रदेश २-०१-००१ प. ५२०७ नं.को मोटरसाईकलमा सवार रहेका थिए । उक्त मोटरसाईकल र प्रदेश २-०१-००१ प. ८१५४ नं.को स्कुटी आफै अनियन्त्रित भई मदनभण्डारी राजमार्गमा दुधौली नगरपालिका-७ डम्वरखाडी स्थित एकआपसमा ठोकिन जाँदा स्कुटी चालक जिल्ला उदयपुर कटारी नगरपालिका-५ तिनतले बस्ने एक बहादुर आले, स्कुटीमा सवार सोहि बस्ने दिप पोखरेल र मोटरसाईकल चालक लाल बहादुर मगर समान्य घाईते भई कटारी अस्पतालमा उपचार भईरहेको छ भने उक्त मोटरसाईकलमा सवार बिर बहादुर मगर गम्भिर घाईते भई थप उपचारको लागी बिराटनगर लैजाँदै गर्दा बाटोमा नै निज लाल बहादुर मगरको मृत्यु भएको हो । यस घट्नाको सम्बन्धमा प्रहरीले आवश्यक अनुसन्धान कार्य गरिरहेको छ । 

लागुऔषध सहित मानिस नियन्त्रणमा
२०७८-०९-१६

मकवानपुर, हेटौडा उप-महानगरपालिका-४ स्थित भित्री रोडमामा विशेष सूचनाको आधारमा प्रहरीले लागुऔषध सहित मानिस नियन्त्रणमा लिएको छ ।नियन्त्रणमा आउने हेटौडा उप-महानगरपालिका-४ हुप्राचौर बस्ने २७ वर्षीय अमृत मैनाली रहेका छन् । निजलाई सोहि स्थित भित्री रोडमा विशेष सूचनाको आधारमा ना ४३ प ८२६८ नं.को मोटरसाईकलमा सवार निजलाई रोकी चेकजाँच गर्दा निजको साथमा रहेको लागुऔषध नाईट्रोभेट ८ ट्याब्लेट, ट्माडोल २२ ट्याब्लेट, फेला परेको थियो । यस सम्बन्धमा प्रहरीले मोटरसाईकल सहित निज अमृत मैनालीलाई नियन्त्रण लिई आवश्यक कारबाही तथा अनुसन्धान कार्य गरिरहेको छ । 

अचानक आगलागी हुँदा करोडौंको नोक्सान
२०७८-०९-१४

काभ्रेपलाञ्चोक, पनौती नगरपालिका-११ ख्याकु स्थित सिवानी काठ फर्निचर तथा सवमिलमा अचानक आगोलागी भएको छ । उक्त फर्निचर तथा सवमिल सोहि स्थित बस्ने सरोज थापाले संचालन गर्दै आएका थिए । फर्निचर मिलमा अचानक आगलागी हुँदा निजले संचालन गरेको काठको फर्निचर, सवमिल र राईस मिल पुर्ण रुपमा जलि नष्ट भएको तथा फर्निचर नजिकै रहेको सोहि बस्ने लुद्र थापाको तिन तले पक्की घरको उत्तर साईटमा रहेको झ्यालहरु जलि आम्सिक क्षति भएको र सोहि बस्ने श्रीकृष्ण थापाको बा ६ ख ४९५९ नं.को बोलेरो गाडीको अगाडी सिट र बाहिरी भागमा आम्सिक क्षति भएको उक्त स्थानमा साईट लगाई राखेको हाईलाईन बोर्डिङ स्कुलको बा ३ ख ६२०४ नं.को स्कुल बसको अगाडी बाहिरी भागमा आम्सिक क्षति भएको छ । उक्त आगो स्थानिय, प्रहरी, नेपाली सेना तथा दम्कलको सहयोग बाट पुर्ण रुपमा नियन्त्रणमा लिईएको थियो । आगलागी बाट कुनै मानविय क्षति नभएको तर जलि नष्ट भएको सम्पुर्ण धनसम्पत्ति गरी अन्दाजी १ करोड २० लाख बराबरको क्षति भएको छ । यस घट्नाको सम्बन्धमा प्रहरीले थप अनुसन्धान कार्य गरिरहेको छ ।

सवारी दुरघट्नामा परी मृत्यु
२०७८-०९-११

धादिङ, थाक्रे गाउँपालिका-१ खयरघारी स्थित पृथ्विलोकमार्गमा सवारी दुरघट्ना भई एक जनाको मृत्यु भएको छ । दुरघट्ना सोहि गाउँपालिका-१ खयरघारी स्थित पृथ्विलोकमार्गमा गल्छीबाट काठमाडौ तर्फ आउँदै गरेको प्रदेश नं.३-०२-००७प ९८९१ नं.को FZ मोटरसाईकल आफै अनियत्त्रित भई सडकबाट अन्दाजी ३० मिटर तल खसि दुर्घट्ना भएको हो । उक्त मोटरसाईकलको चालक जिल्ला धादिङ धुनिबेशि नगरपालिका-७ बस्ने २२ वर्षीय किशोर गिरि को पेट र छात्तिमा मध्यम चोट र सोहि मोटरसाईकलमा सवार सोहि बस्ने २२ वर्षीय श्रीजन पाठक को घट्नास्थलमै मृत्यु भएको छ । घाईते चालकको स्थानिय मेडिकल सिम्लेमा सामान्य उपचार पश्चात थप उपचारको लागि काठमाडौ तर्फ पठाएको छ । घट्नाको बारेमा प्रहरीले थप अनुसन्धान कार्य गरिरहेको छ ।

लागुऔषध गाँजा सहित मानिस नियन्त्रणमा
२०७८-०९-०९

मकवानपुर, हेटौडा उपमहानगरपालिका-१५ रातोमाटे चेकपोष्ट स्थित प्रहरीले लागुऔषध गाँजा सहित मानिस नियन्त्रणमा लिएको छ ।प्रहरीको नियन्त्रणमा आउने जिल्ला धनुषा नगराईन नगरपालिका-२ बस्ने ३६ वर्षीय सुबोध मण्डल र जिल्ला पर्सा पटेरवा सुगौली गाउँपालिका-३ सुनबर्सा बस्ने ३९ वर्षीय मुकेश राउत चौधरी रहेका छन् । निजहरुलाई पुर्व-पश्चिम सडक खण्डमा रातोमाटे चेकपोष्ट स्थित प्र.स.नि.को कमाण्डमा खटिएको चेकिङ टोलीले हेटौडा तर्फबाट  बिरगंज तर्फ जाँदै गरेको NL01C3654 नं.को भारतिय स्कार्पिओ गाडीलाई शंका लागी रोकी चेकजाँच गर्दा उक्त गाडीको पछाडी पट्टिको सिट मुनि रातो प्लाष्टिकले बेरी पोका बनाई जेब्रा झोला र बोरामा राखी लुकाई छिपाई ल्याएको अवस्थामा ३ पोका अन्दाजी ३० किलो लागुऔषध गाँजा फेला पारी प्रहरीले नियन्त्रणमा लिईएको हो । यस सम्बन्धमा प्रहरीले थप अनुसन्धान कार्य गरिरहेको छ ।

सवारी दुरघट्नामा परी मृत्यु
२०७८-०९-०८

सिन्धुली, सुनकोशी गाउँपालिका-६ रिठ्ठ भिर नजिक सवारी दुरघट्नामा परी एक जनाको मृत्यु भएको छ ।मृत्यु हुने जिल्ला सर्लाहि लालबन्दी नगरपालिका-१५ बस्ने २० वर्षीय कुनथाङ मोक्तान रहेका छन् । दुरघट्ना सुनकोशी गाउँपालिका-६ रिठ्ठ भिर नजिक वि.पि. राजमार्गमा भएको हो । कुखुरा लोड भएको प्रदेश २-०३-००१ च ४००८ नम्बरको बलेरो गाडी महोत्तरीबाट काठमाण्डौ तर्फ जाँदै गर्दा सोहि भिर नजिक सडकबाट अन्दाजी २०० फिट तल खस्न गई दुरघट्ना भएको थियो । उक्त बलेरोमा सवार चालक जिल्ला सर्लाहि लालबन्दी नगर पालिका-१५ परमानीपुर बस्ने ३० वर्षीय आईतसिह बम्जन, सोहि बस्ने मनिस परियार र कुनथाङ मोक्तान रहेका थिए । दुरघट्नामा चालक आईतसिह बम्जन र उक्त गाडीमा सवार मनिस परियार दुबै जना घाइते भएका थिए भने सोहि बलेरोमा सवार कुनथाङ मोक्तानको घट्नास्थल मै मृत्यु भएको थियो । यस दुरघट्नाको सम्बन्धमा प्रहरीले घट्नास्थल मुचुल्का सहित आवश्यक अनुसन्धान कार्य गरिरहेको छ । 

सवारी दुरघट्नामा परी मृत्यु
२०७८-०९-०६

मकवानपुर, हेटौडा उप-महानगरपालिका-१६ स्थित धरान-चतरा सडक खण्डमा सवारी दुरघट्नामा परी एक जनाको मृत्यु भएको छ । मृत्यु हुने सोहि उप-महानगरपालिका-१६ बस्ने २५ वर्षीय सुमन बयलकोटी रहेका छन्  । निज हटियाबाट चौघडा बजार तर्फ आउँदै गर्दा निज सवार रहेको ONTEST स्कुटर आफै अनियन्त्रित भई दुरघट्ना भएको हो । दुरघट्नाबाट घाईते भएका मृतक सुमन बयलकोटी को उपचारको लागि हेटौडा अस्पताल ल्याएकोमा उपचारको क्रममा डाक्टरले निजलाई मृत घोषणा गरेको हो । घट्नाको बारेमा प्रहरीले बुझ्दा स्कुटरमा ३ जना सवार रहेको र निजहरुले माद्यक पदार्थ सेवन गरेको भन्ने बुझिएको थियो । प्रहरीले स्कुटर, स्कुटर चालक र स्कुटरमा पछाडि सवार रहेको व्यक्तिहरुलाई नियन्त्रणमा लिई आवश्यक अनुसन्धान गरिरहेको छ ।

लागुऔषध गाजा सहित मानिस नियन्त्रणमा
२०७८-०९-०२

धादिङ, बेनिघाटरोराङ गाउँपालिका-२ ताल्ती स्थित बिशेष सूचना को आधारमा प्रहरीले लागुऔषध सहित मानिस नियन्त्रणमा लिएको छ ।पक्राउ पर्ने जिल्ला मकवानपुर राक्सिराङ गाउँपालिका-९ बस्ने ३५ वर्षीय कृष्ण बहादुर तामाङ रहेका छन् । प्रहरी चौकी ताल्तीबाट प्र.स.नि.को कमाण्डमा खटिएको टोलिले मकवानपुरबाट भित्री बाटो हुदै मलेखु तर्फ पैदल आउँदै गरेको निज कृष्ण बहादुर तामाङलाई चेकजाँच गर्ने क्रममा निजले बोकेको जेब्रा झोला भित्र लुकाईछिपाई ल्याएको लागुऔषध गाँजा अन्दाजी ५ के.जी. फेला पारी निजलाई नियन्त्रणमा लिएको हो । यस सम्बन्धमा प्रहरीले थप अनुसन्धान कार्य गरिरहेको छ । 

अबैध काठ नियन्त्रणमा
२०७८-०९-०२

सिन्धुली, दुधौली नगरपालिका-१ स्थित रहेको प्रहरी चेकपोष्टले अबैध काठ नियन्त्रणमा लिएको छ ।चेकपोष्ट अगाडि सवारी साधनहरू चेकजाँच गर्ने क्रममा डकाहाबाट भिमान तर्फ जाँदै गरेको ना १ ज ८७६६ नं.को बोलेरो गाडि प्रहरीले रोक्न खोज्दा नरोकी भागेर गएकोमा उक्त गाडिको पिछा गरी कमलामाई नगरपालिका-१४ बयरबनि स्थित पुगि चालकले गाडि लक गरी गाडि छाडि फरार रहेको उक्त गाडि चेकजाँच गर्दा बिल नभएको ७ फिट १० ईन्च लम्बाई भएको ३/४ ईन्चको मोटाई भएको  अन्दाजी ४१ पिस चौकोष जम्मा अन्दाजी ३४.९३ क्युफिट सालको काठ फेला परेको थियो । अबैध काठ सहित उक्त गाडि प्रहरीले नियन्त्रणमा लिई आवश्यक अनुसन्धान तथा कारबाही गरिरहेको छ । 

लागुऔषध सहित मानिस नियन्त्रणमा
२०७८-०९-०२

चितवन, भरतपुर महानगरपालिका-१ भतेरी जंगलमा प्रहरीले एक मानिसलाई लागुऔषध सहित नियन्त्रणमा लिएको छ । पक्राउ पर्ने जिल्ला तनहु म्याग्दे गाउँपालिका-१ बस्ने ४५ वर्षीय प्रकाश खनाल रहेका छन् । निज भरतपुर महानगरपालिका-१ भतेरी जंगलमा ग २० प ६१५५ नम्बरको मोटरसाईकल रोकी बसिरहेको अवस्थामा ईलाका प्रहरी कार्यालय रामनगरबाट प्रहरी हवल्दारको कमाण्डमा खटिएको गस्ती टोलीले शंका लागि चेकजाँच गर्दा निजको साथवाट लागुऔषध नोरफिन, डाईजेपाम र ट्रमा गरी जम्मा २४४ पिस फेला परि निजलाई मोटरसाईकल सहित नियन्त्रणमा लिएको हो । यस सम्बन्धमा प्रहरीले आवश्यक अनुसन्धान गरिरहेको छ । 

करेण्ट लागि मृत्यु
२०७८-०८-२७

काभ्रे, पनौति नगरपालिका-५ चौकोट स्थित करेण्ट लागि एक मानिसको मृत्यु भएको छ ।मृत्यु हुने सोहि बस्ने ४० वर्षीय केदार पुतुवार रहेका छन् । घट्ना सोहि बस्ने २६ वर्षीय कबि नेपाली को घर अगाडि रहेको फलामको बिजुलीको पोल ढल्न गई निज कबि नेपालीले मृतक केदार पुतुवार लाई बोलाई दुबै जना मिलि उक्त बिजुलीको पोल उठाउने क्रममा नजिकै रहेको ११००० भोल्ट को तार मा छुन गई दुबै जना लाई करेण्ट लागेको थियो । करेण्ट लागि घाईते भएका निजहरुको उपचारको लागी धुलिखेल अस्पताल ल्याएकोमा उपचारको क्रममा डाक्टरले केदार पुतुवार लाई मृत घोषणा गरेको थियो । घाईते भएका कबि नेपालीको दाहिने हातखुट्टा नचल्ने अवस्था भएको छ । घट्ना बारे प्रहरीले आवश्यक अनुसन्धान कार्य गरिरहेको छ । 

मृत लाश फेला
२०७८-०८-२१

नुवाकोट, शिवपुरी गाउँपालिका-१ तलाखु स्थित मध्यपहाडी लोक मार्गमा एक मानिस मृत अवस्थामा शव फेला परेको छ । मृत्यु हुने सोहि जिल्ला पन्चकन्या गाउँपालिका-३ राहुटार बस्ने भिमसेन थापाको छोरा २० वर्षीय सुमन थापा रहेका छन् । निज त्रिशुलीबाट शिवपुरी तलाखु चल्ने बा. २ ख. ६६८७ नं.को बसको सह-चालक को रुपमा काम गर्दै आएका थिए । निजको शव शिवपुरी गाउँपालिका-१ तलाखु स्थित मध्यपहाडी लोक मार्गमा सडक छेउमा घोप्टो परी मृत अवस्थामा फेला परेको थियो । मृतकको नाक र कानबाट रगत बगेको अवस्थामा शव भेटिएको थियो । प्रहरीले अनुसन्धानको शिलशिलामा शंकास्पद निम्न व्यक्तिहरुलाई नियन्त्रणमा लिई अनुसन्धान कार्य गरिरहेको छ ।निम्न१.      जिल्ला नुवाकोट शिवपुरी गा.पा. वडा नं. १ बस्ने बर्ष ४२ को कृष्ण श्रेष्ठ ।२.      जिल्ला नुवाकोट दुप्चेश्वर गा.पा. वडा नं. ७ बस्ने वर्ष ३३ को श्यामहरी पण्डित ।३.      ऐ.ऐ.बस्ने वर्ष २९ को कुमार पण्डित । (बस चालक) ४.      ऐ.ऐ.बस्ने वर्ष ३४ को राजेश कडेल ।

बिजुली सर्ट भई आगलागी
२०७८-०८-२०

चितवन, भरतपुर महानगरपालिका-१ रामनगर खानेपानि ट्याङ्की नजिक रहेको इको पाइप फ्याक्ट्रीमा अचानक आगलागी भएको छ ।उक्त फ्याक्ट्री सोहि महानगरपालिका-२ क्षेत्रपुर बस्ने राजुलाल श्रेष्ठले संचालन गर्दै आएका थिए । आगो अचानक बिजुली सर्ट भई लागेको थियो । आगलागीबाट कम्पनी को दुइ भाग मध्ये एक भागमा रहेको पाइप, कच्चापदार्थ बनाउने मेसिन समेत जलि नष्ट हुँदा अन्दाजी रु २०,००,०००।- (बिस लाख) बराबरको क्षती भएको छ । उक्त आगो दमकल, स्थानिय मानिस र प्रहरीको सहयोगमा पुर्ण रुपमा नियन्त्रणमा आएको थियो । घट्नाको सम्बन्धमा प्रहरीले आवश्यक अनुसन्धान कार्य गरिरहेको छ । 

लागुऔषध गाँजा सहित मानिस नियन्त्रणमा
२०७८-०८-१९

मकवनापुर, मनहरी गाउँपालिका-७ मनहरी पुल छेउ स्थित प्रहरीले एक जनालाई लागुऔषध सहित नियन्त्रणमा लिएको छ । प्रहरीको नियन्त्रणमा आउने राक्सिराङ गाउँपालिका-२ बस्ने २७ वर्षीय बिनोद मोक्तान रहेका छन् । निजलाई मा बिशेष सुचनाको आधारमा ईलाका प्रहरी कार्यालय मनहरी बाट प्र.नि.को कमाण्डमा खटिएको टोलीले नियन्त्रणमा लिएको हो । निज फलामे बाट मनहरी तर्फ पैदल आउँदै गर्दा पुर्व पश्चिम सडक खण्ड मनहरी पुल छेउ स्थित प्रहरीले निजलाई चेकजाच गर्दा निजले पछाडी भिर्ने कालो झोलामा लुकाई छिपाई ल्याएको लागुऔषध गाँजा ५ किलो फेला परेको थियो । प्रहरीले लागुऔषध गाँजा सहित निज बिनोद मोक्तानलाई नियन्त्रणमा लिई आवश्यक अनुसन्धान कार्य ईलाका प्रहरी कार्यालय मनहरीमा गरिरहेको छ । 

झुण्डी मृत्यु
२०७८-०८-१६

सिन्धुपालचोक, लिसंखुपाखर गाउँपालिका-७ ककलिङ स्थित एक मानिसको झुण्डी मृत्यु भएको छ ।झुण्डी मृत्यु हुने सोहि गाउँपालिका-७ ककलिङ बस्ने अन्दाजी ७२ वर्षीय कर्मध्वज लामा रहेका छन् । निज आफ्नो घर देखी अन्दाजी १ कि.मि. उत्तर तर्फ पर्ने आईतबारे जंगलमा गुरासँको हाँगामा गलबन्दीको पासो घाँटीमा लगाई मृत अवस्थामा फेला परेका थिए । मिति २०७८।०८।१५ गते निजको श्रीमतीको हात भाँचिएकोले उपचारको लागी काठमाडौ लगिएको थियो । घर देखि निज श्रीमतीलाई भेटन जान्छु भनि काठमाडौं हिडेका निजको कुनै अतोपतो नलागी निजको छोरा र आफन्तले निजको खोजतलाश गर्दै जाँदा निज झुण्डी मृत अवस्थामा फेला परेका थिए । यस घट्नाको सम्बन्धमा प्रहरीले घट्नास्थल मुचुल्का सहित थप अनुसन्धान कार्य गरिरहेको छ । 

सवारी दुरघट्नामा परी मृत्यु
२०७८-०८-१५

चितवन, भरतपुर महानगरपालिका-११ विशालचोक स्थित ट्याङ्करले स्कुटरलाई ठक्कर दिँदा स्कुटर चालकको मृत्यु भएको छ ।स्कुटर चालक जिल्ला नवलपुर मध्यबिन्दु नगरपालिका-७ बस्ने २० वर्षीय सन्जु ढकाल रहेकी छिन् । उक्त स्कुटरमा सवार सोहि बस्ने २२ वर्षीय मन्जु ढकाल सामान्य चोटपटक मात्र लागेको । ना४ख २१५७ नं.को ट्याङकर आँपटारीबाट केन्द्रिय बसपार्क तर्फ आउँदै गर्दा बिरेन्द्र क्याम्पसबाट मालपोतचोक तर्फ आउँदै गरेको बा.प्र.०३-००२प ९६३८ नं.को स्कुटरलाई ठक्कर दिएको थियो । उक्त दुरघट्नामा परी घाईते भएका निजहरुको उपचार पुरानो मेडिकल कलेज भरतपुरमा भईरहेकोमा स्कुटर चालकको उपचारको क्रममा मृत्यु भएको हो । यस घट्नाको सम्बन्धमा प्रहरीले आवश्यक अनुसन्धान कार्य गरिरहेको छ । 

सवारी दुर्घटनामा परी मृत्यु
२०७८-०८-१४

रामेछाप, मन्थली नगरपालिका-६ मसानटार स्थित खुर्कोट मन्थली सडक खण्डमा प्रदेश २-०३-००६ ख ४७६२ नं.को ट्रक दुरघट्ना भई ट्रक चालक को मृत्यु भएको छ । ट्रक चालक भरतपुर महानगरपालिका-८ बस्ने २८ वर्षीय सुर्य कुमार भाट रहेका छन् । उक्त ट्रकको सहचालक सोहि महानगरपालिका-५ बस्ने २४ वर्षीय किसन थापा सकुशल रहेका छन् । ट्रक नारायणगडबाट मन्थली तर्फ आउँदै गरेको बेला मन्थली नगरपालिका-६ मसानटार स्थित आफै अनियन्त्रित भई सडकबाट अन्दाजी ३०० मिटर तल खस्न गई दुरघट्ना भएको थियो । दुरघट्ना हुँदा चालकको टाउकोमा गहिरो चोट, बाँया खुट्टा भाँचिएको बेहोस अवस्थामा फेला परेका थिए भने सहचालक सकुशल अवस्थामा पाईएको थियो । घाइते चालकलाई उपचारको लागी खुर्कोट सुभजिवन अस्पताल पठाइएकोमा उपचारको क्रममा निजको मृत्यु भएको हो । यस सम्बन्धमा प्रहरीले आवश्यक अनुसन्धान कार्य गरिरहेको छ । 

डुबी मृत्यु
२०७८-०८-१४

रामेछाप, लिखुतामाकोसी गाउँपालिका-६ पाखाबारी स्थित तामाकोसी नदि तर्ने क्रममा नदिले बगाई एक महिलाको मृत्यु भएको छ । मृत्यु हुने सोहि बस्ने टक बहादुर कार्कीको श्रीमती ४९ वर्षीय एकमाया कार्की रहेकी छिन् । निज बगरबेसी स्थितबाट, सानिमा हाइड्रोको हाईटेशन लाईनको सामान ओसारपसार गर्न ४ वटा ड्रम डोरीले बाँधेर बनाएको फेरी (डुङ्गा) मा आफुखुसी चढी तामाकोसी नदी तर्ने क्रममा ड्रम बाँधेको डोरी फुस्किन गई तामाकोसी नदीले बगाई मृत्यु भएको थियो । प्रहरीले स्थानियको सहयोगमा निजको खोजतलाश गर्ने क्रममा अन्दाजी ५०० मिटर तल उक्त नदिको किनारमा मृत अवस्थामा फेला पारेको थियो । यस सम्बन्धमा लाशजाँच मुचुल्का सहित प्रहरीले आवश्यक अनुसन्धान कार्य गरिरहेको छ । 

लागुऔषध सहित मानिस नियन्त्रणमा
२०७८-०८-१४

मकवनापुर, हेटौडा उपमहानगरपालिका-१४ कालापानी बोक्सिडाडा स्थित प्रहरीले बिशेष सुचनाको आधारमा लागुऔषध सहित मानिस नियन्त्रणमा लिएको छ ।नियन्त्रणमा आउने सोहि बस्ने २६ वर्षीय रबिन तामाङ रहेका छन् । निजलाई जि.प्र.का.मकवानपुरबाट खटिएको बिशेष टोली र अस्थायी प्रहरी पोष्ट मयुरधापबाट प्र.स.नि.को कमाण्डमा खटिएको संयुक्त टोलिले नियन्त्रणमा लिएको हो । निजको खानतलासी गर्ने क्रममा निजले लगाएको ज्याकेटबाट लागुऔषध नाईट्रोभेट ४९ ट्याबलेट, ट्रामा ३६० क्याप्सुल, स्टेगन ३५ ट्याबलेट, स्पासपेन ६ ट्याबलेट र नगद रु.४६,२५०।- (छयालिस हजार दुई सय पचास) फेला परेको थियो । प्रहरीले लागुऔषध सहित निजलाई नियन्त्रणमा लिई जि.प्र.का.मकवानपुरमा ल्याई आवश्यक अनुसन्धान कार्य गरिरहेको छ । 

पानीमा डुबि मृत्यु
२०७८-०८-१०

मकवानपुर, ईन्द्रसरोवर गाउँपालिका-१ जन्गीपहरा स्थित रहेको कुलेखानी तालमा डुबि मानिसको मृत्यु भएको छ ।मृत्यु हुने कैलाश गाउँपालिका-५ गोगने बस्ने ४८ वर्षीय बुद्धि लाल स्यान्ताङ रहेका छन् । निज ईन्द्रसरोबर गाउँपालिका-१ बस्ने  चन्द्र बहादुर बलामीको जग्गा कमाई गरि बसेकोमा मिति २०७८।०८।०६ गते देखि घरमा कोही कसैलाई जानकारी नदिई घरबाट हिडी वेपत्ता भएका थिए । निजको आफन्तहरुले निजको खोजतलाश गर्दै जाँदा कुलेखानी तालको छेउमा मृत अवस्थामा फेला पारेको थियो । प्रहरीले निजको बारेमा बुझ्दा मृतकको मानसिक सन्तुलन अलि ठिक नभएको भन्ने कुरा बुझिएको हो । यस सम्बन्धमा प्रहरीले अन्य अनुसन्धान कार्य गरिरहेको छ । 

आर्थिक प्रलोभनमा पार्न खोज्ने व्यक्ति प्रहरीको नियन्त्रणमा
२०७८-०८-०८

सिन्धुली, गोलन्जोर गाउँपालिका-७ खुर्कोट बजार स्थित प्रहरी चेकपोष्टमा डिउटीमा खटिएको प्रहरीलाई आर्थिक प्रलोभनमा पार्न खोज्ने व्यक्तिलाई प्रहरीले नियन्त्रणमा लिएको छ ।प्रकाउ हुने जिल्ला उदयपुर चौदण्डीगढि नगरपालिका-१ बस्ने वर्ष २२ को मनिष सुर्खेती रहेका छन् । निजले टाईमकार्ड भित्र रु ५०।– रुपैयाँ हाली डिउटीमा खटीएको प्रहरीलाई दिई आर्थिक प्रलोभन पार्न खोज्दा निज सह-चालकलाई नियन्त्रणमा लिईएको हो । विर्तामोडबाट काठमाण्डौ तर्फ जाँदै गरेको चलाक जिल्ला धनकुटा पाख्रीवास नगरपालिका-५ चुङवाङ बस्ने वर्ष ४३ को सुमन आलेले चलाएको बा ५ ख ६७९६ नम्बरको हाएस निर्धारित समय भन्दा अगाडी आएकोले समय मिलाई दिनको लागि सोही हाएसको सह-चालक डिउटीमा खटिएको प्रहरीलाई आर्थिक प्रलोभनमा पार्न खोज्दा निज सह-चालकलाई नियन्त्रणमा लिईएको हो । उक्त सवारी साधनलाई तिव्र गति चलाएको भनी रु २०००।– ट्राफिक जरिवना गरी गन्तव्य तर्फ छाडिएको छ । यस सम्बन्धमा ईलाका प्रहरी कार्यालय खुर्कोटमा आवश्यक कामकारबाही भईरहेको छ । 

सिन्धुपाल्चोक:- सवारी दुरघट्नामा परी मृत्यु
२०७८-०८-०६

मङ्सिर ६, मेलम्ची नगरपालिका-१२ बाहुनेपाटी बजार स्थित मेलम्चीबाट जिरोकिलो काभ्रे तर्फ जाँदै गरेको बा ४ ख ७७६६ नं.को बसले बिपरित दिशाबाट आउँदै गरेको बा प्र०२-०२० प ८११४ नं.को मोटरसाईकललाई ठक्कर दिँदा मोटरसाईकल चालक जिल्ला नुवाकोट बिदुर नगरपालिका घर भई हाल सोहि स्थित रहेको मेरो माईक्रो फाईनान्समा काम गर्ने अन्दाजी वर्ष २३ को बासु बस्नेतको घटनास्थलमा नै मृत्यु भएको, स्थानिय अन्दाजी ९०।१०० जनाको संख्यामा भेला जम्मा भएका समुहले बसको सिसाहरु तोडफोड गरेको, बस चालक फरार रहेको, फरार चालकको खोजतलाश भईरहेको, घट्नास्थल मुचुल्का सहित आवश्यक अनुसन्धान कार्य भईरहेको ।

नुवाकोट:-आगलागी
२०७८-०८-०२

मङ्सिर २, ककनी गाउँपालिका-१ महालक्ष्मीथान स्थित दुर्गा बहादुर श्रेष्ठको दुई तल्ला पक्की घरमा भाडा लिई बस्ने बिकाश वलामीको कोठामा अचानक करेन्ट सर्ट भई आगलागी हुँदा अन्दाजी २,२६,०००।- (दुई लाख छबिस हजार) बराबरको क्षती भएको, उक्त आगो प्रहरी तथा स्थानियहरुको सहयोगमा नियन्त्रणमा लिएको, कुनै मानविय तथा चौपाया क्षती नभएको, उक्त आगो बाट निम्न सरसामानहरु जली नष्ट भएको, घट्नास्थल मुचुल्का सहित आवश्यक अनुसन्धान कार्य भईरहेको । निम्न:- १  १. अन्नपात रु.१०,०००।-, डि फ्रिज थान १ रु.६०,०००।-, सोभा सेट थान १ रु.२०,०००।- र भाँडाकुडा तथा लत्ताकपडा सहित अन्दाजी रु.२,२६,०००।- (दुई लाख छबिस हजार मात्र) बराबरको आगोलागी भई क्षती भएको ।